ഒരു സാധാരണ ദിവസം പക്ഷേ ഒത്തിരി കാര്യങ്ങളുണ്ട് പറയാന്. എന്നും ഞാന് എന്റെ മാന്മിഴിയാളോട് സംസാരിക്കും, ഇപ്പൊ ഇച്ചിരി സംസാരം കൂടുന്നുണ്ട്. അധികമായാല് അമൃതും വിഷം എന്നാണല്ലോ, അതാണ് എനിക്ക് പേടി, പിഇനെ കുറച്ചു കഴിയുമ്പോള് മാറുമായിരിക്കും. എന്നാലും സംസാരിച്ചു കൊണ്ടേ ഇരിക്കാന് തോന്നുന്നു. ഇന്ന് കാലത്ത് ഒട്ടും പ്രതീക്ഷിക്കാതെ മഴ പെയ്തു. പക്ഷേ പത്തുമണിക്ക് ശേഷം മഴ പെയ്തില്ല. അങ്ങനെ മൂടി കെട്ടി കിടക്കുന്നുണ്ട്. എന്റെ മാന്മിഴിയാള് ഇന്ന് കോളേജില് നിന്നു വീട്ടില് വന്നു. ഇനി എല്ലാ കോലും എസ് ടി ഡി ആണ്, ഇച്ചിരി ചെലവ് കൂടും. പക്ഷേ സാരമില്ല. സംസാരിക്കാന് തോന്നുമ്പോള് സംസാരിക്കണം, അതിനോക്കെയല്ലേ ഈ മൊബൈയില് കുന്ത്രാണ്ടം ഉള്ളത്. പിന്നെ വീട്ടിലോട്ടും വിളിക്കണം.
നാളെ മോതിരകല്യാണത്തിനു അവള്ക്കുടുക്കാനുള്ള സാരി എടുക്കാന് പോണം. അവള്ക്കു ഇച്ചിരി വയ്യായ്കയുണ്ട്, അമ്മ കുഴപ്പമില്ല എല്ലാം അറിഞ്ഞും കണ്ടും ചെയ്തോളും. പിന്നെ ഇന്നും കുറെ നേരം സംസാരിച്ചു.പണ്ട് പുല്കൂടുണ്ടാക്കിയതും, സ്വന്തമായുണ്ടാക്കിയ പ്രതിമകള് എറിഞ്ഞു പൊട്ടിച്ചതും എല്ലാം പറഞ്ഞു. പിന്നെ പുതിയ ചില പുല്കൂടുകളുടെ കഥകളും പറഞ്ഞു. അങ്ങനെ കുറേ നേരം സംസാരിച്ചു. ഞങ്ങള്ക്ക് ഒത്തിരി കാലത്തെ പരിചയമുള്ളതുപോലെ. ഇനി പറഞ്ഞാല് ചിലപ്പോള് പൈങ്കിളി ഡയലോഗുകള് ആയിപോകും. ഇപ്പൊ അവളാണ് എന്റെ മനസ്സ് നിറയെ.
കാനറാ ബാങ്കിലെ ജോലിക്കുള്ള ഇന്റ്റെര്വ്യു മോളുന് ഇരുപത്തിയൊന്നാം തിയതിയാണ്.അതിനുള്ള തയാറെടുപ്പുകള് കാര്യമായി നടക്കുന്നുണ്ട്. അമ്മാവന് ഭയങ്കര സന്തോഷമായി, ഈ ജോലി ഉറപ്പായിട്ടും കിട്ടണേ എന്നാണു എന്റെയും പ്രാര്ഥന. അമ്മയും പ്രാര്ത്ഥിക്കുന്നുണ്ട് , പപ്പയും പ്രാര്ത്ഥിക്കുന്നുണ്ട്. പിന്നെ ഈ ഡിസംബര് മാസം ഭയങ്കര തിരക്കാവാനാണ് സാധ്യത, അല്ലാ....അങ്ങനെ തന്നെയാണ്. എന്തൊക്കെയാണ് എന്ന് ഒരു എത്തും പിടിയുമില്ല. പിന്നെ മുകളിലിരിക്കുന്ന ആ മഹാ പ്രഭാവത്തിന് മുന്നില് ഇതെല്ലാം നിസ്സാരമല്ലേ. എല്ലാം ഭംഗിയായി നടക്കുമെന്ന് എന്റെ മനസ്സ് പറയുന്നു.
പിന്നെ കല്യാണം, അത് മേയ് ഒന്പതിനാണെന്ന് തീരുമാനിച്ചു. അമ്മാവന് മണ്ടപമെല്ലാം ബുക്ക് ചെയ്തു കഴിഞ്ഞു.....അയ്യോഓഓ ബസ്സിനു സമയമായി......ഇനി നാളെ കാണാം...ബൈ ബൈ.....
ഞാന് എഴുതുന്ന എന്റെ ഭ്രാന്തന് ആശയങ്ങളാവും ഇവിടെ.... വായിച്ചു...വായിച്ചു..നിങ്ങള്ക്കു ഭ്രാന്താകാതിരുന്നാമതി...
No comments:
Post a Comment