കാലത്ത് ജോഗ്ഗിങ്ങിനായി എഴുന്നേറ്റപ്പോ നല്ല മഴ. നല്ല ഉറക്ക ക്ഷീണം ഉണ്ടായിരുന്നു, എന്നാലും എഴുന്നേറ്റു. പിന്നെ വെറുതെ ബീച്ചില് നടക്കാന് പോകാം എന്ന് വിചാരിച്ചു. ജപവും പല്ലുതേപ്പും കഴിഞ്ഞു മഴകൊട്ടും തൊപ്പിയും വെച്ചു ഞാന് മെല്ലെ ഇറങ്ങി. നേരെ ബീച്ചിലോട്ട്, അവിടെ മഴയായിരുന്നിട്ടും ഒരുപാട് ആളുകള് ഉണ്ട്....അഞ്ചേകാല് മണിയെ ആയിട്ടുള്ളൂ എന്നാലും നല്ല തിരക്കാണ്. ഞാന് നേരെ മണ് തിട്ടയില് കയറി നടന്നു. മഴവെള്ളം, കെട്ടിനില്ക്കുന്നു, പിന്നെ മഴവെള്ളച്ചാലുകള് ചരല് മണ്ണില് മണ്ണ് ഒലിച്ചുപോയിട്ടു ഇപ്പൊ മുത്തുകള് പോലെ ചരലുകള് മാത്രം.പിന്നെ ചാറ്റല് മഴ. എന്ത് രസം. പക്ഷെ ഇച്ചിരി പനിയുടെ തുടക്കം കൊണ്ടോ എന്തോ....നല്ല ക്ഷീണം....നടക്കുമ്പോള് തന്നെ ഉറങ്ങാന് തോന്നി.
ഒരുവട്ടം തലങ്ങനെയും വിലങ്ങനെയും നടന്നു ഞാന് നേരെ ഒരു ചായക്ക്, നമ്മുടെ സ്ഥിരം തട്ടുകടയിലെത്തി, പുകവലിക്കാരുടെ ശല്യമാണ് താങ്ങാന് വയ്യാത്തത്. എന്നും ഒന്നോ രണ്ടോ പേര് ഉണ്ടാവും, ഒന്നുകില് ഒരു ബീഡി അല്ലെങ്കില് സിഗരറ്റും കത്തിച്ചു പുകയും വിട്ടു. ഞാന് അതുകൊണ്ട്, മാറി റോഡില് നിന്നു. ചായക്കടകാരന് എന്നെ നന്നായി അറിയാവുന്നതുകൊണ്ട് പെട്ടെന്ന് ചായ ഉണ്ടാക്കി തന്നു. ഞാന് വെറുതെ ഉലാത്തികൊണ്ട് ചായയും കുടിച്ചു അങ്ങനെ കുറച്ചുനേരം.
വീട്ടില് വന്നപ്പോള് കൂടുതല് ക്ഷീണം തോന്നി, പതിവ് വര്ക്ക് ഔട്ട് ഒന്നും ചെയ്തില്ല. വെറുതെ പാട്ടുകേട്ടുകൊണ്ടിരുന്നു, പിന്നെ ഇന്നലെ അവധിക്കു അപേക്ഷിച്ചതിനു എന്ത് മറുപടി വന്നു എന്നറിയാന് കമ്പനിയുടെ വെബ് സൈറ്റില് കയറി മെയില് ചെക്ക് ചെയ്തു. ആഹാ എന്തൊരു സന്തോഷം, ലീവ് അപ്പ്രുവ് ചെയ്തിരിക്കുന്നു. അപ്പൊ ഇനി ധൈര്യമായി ബസ്സിനു ടിക്കറ്റ് ബുക്ക് ചെയ്യാം. ഒന്നാം തിയതി പോണോ രണ്ടാം തിയതി വരണോ എന്ന കണ്ഫ്യുഷന് മാത്രം. ഹി ഹി.
ഉടനെ വീട്ടില് വിളിച്ചു കാര്യം പറഞ്ഞു. അമ്മയ്ക്ക് സന്തോഷമായി. ഇന്നലെ എന്റെ മാന്മിഴിയാളെ വിളിച്ചപ്പോ മോതിര കല്യാണത്തിനു സാരി എടുക്കാന് തിരുനെല്വേലിക്കാണ് പോകുന്നതെന്ന് പറഞ്ഞിരുന്നു. അങ്ങനെയാണെങ്കില് അമ്മയും പപ്പയും കൂടി പോയി ഒരു സാരി എടുക്കാമെന്ന് തോന്നുന്നു. എനികീ ചടങ്ങുകളും മറ്റും അറിയില്ല. പപ്പയ്ക്ക് നന്നായിട്ടറിയാം. പക്ഷേ ചോദിച്ചാല് ചെലപ്പോ ആദ്യം കിട്ടുക വഴക്കായിരിക്കും. പോത്ത് പോലെ വളര്ന്നല്ലോ ഇതൊക്കെ ഒന്ന് നോക്കിവേയ്ക്കാന് പാടില്ലായിരുന്നോ. അതുകൊണ്ട് ഇപ്പൊ മോതിരം ഇടാന് മാത്രം പഠിച്ചാമതി..ഹെ ഹെ............
കാലത്ത് കുറച്ചുനേരം മാന്മിഴിയാളോട് എസ് എം എസ് വഴി സംസാരിച്ചു. ഉച്ചയ്ക്കുശേഷം വിളിക്കാമെന്നു പറഞ്ഞു എസ് എം എസ് ചാറ്റ് അവസ്സാനിപ്പിച്ചു ............കുറച്ചു കഴിഞ്ഞിട്ട് വിളിക്കണം.
ഇന്നോരുപാടെഴുതി ..അപ്പൊ പിന്നെ കാണാം....ബൈ ബൈ.....
ഞാന് എഴുതുന്ന എന്റെ ഭ്രാന്തന് ആശയങ്ങളാവും ഇവിടെ.... വായിച്ചു...വായിച്ചു..നിങ്ങള്ക്കു ഭ്രാന്താകാതിരുന്നാമതി...
No comments:
Post a Comment